照道理靚女Aunt忙完，點解遲遲不貼文呢？
朋友A唔抵得我懶忙，便問道：「你個仔唔係考完試咩？之前就話要溫書，點解依仲話唔得閒呀！」
我便不經意答她：「我要追日‧韓‧台劇。又要打NDS。」
朋友A：「唔係化，學人扮青春煲劇兼打機。」
靚女Aunt：「心境青春，人都後生D。我又忙身體檢查。」
朋友A：「有無搞錯，要日日檢查咩？」
靚女Aunt：「咪為左買份保險，又要限時BODY CHECK，但周圍D醫生同醫務所FULLY BOOKING，突然間好多人買保險，估唔到連BODY CHECK都撞到熟人，你話點會唔忙！」
朋友A不相信的說：「檢查身體都係一次唧，咁仲有咩忙？」
靚女Aunt：「孩子皇升中事宜，又要做SEARCH，又要ANALYSIS，又要替孩子皇整PROFILE，慘過返工交REPORT！唔做唔得！」
朋友A深感同情的說：「做人父母甚艱難。」
靚女Aunt繼續說：「仲要參加老爸及秘書妹妹的生日飯局。」
朋友A再說：「無計喎，屋企人。」
靚女Aunt：「仲要返學上堂！」
朋友A好奇的問：「咁勤力去增值，返咩先？」
靚女Aunt：「咪扭波波囉，好好玩架。孩子皇得閒我都帶佢去，親子好。」
朋友A不屑的說：「原來扭波波咋！」
靚女Aunt細細聲：「最大劑係我入左個好忙的社團呀！」
朋友A掩嘴的問：「幾十歲學人跟大佬？」
靚女Aunt：「邊有幾十歲呀？不過好開心就真！」
朋友A奇怪的問：「唔係啩？好開心添！老老實實要幾錢會費呀？」
靚女Aunt開心：「唔駛俾架！」
朋友A不相信：「邊有咁SO，入Fan Club都要會費，何況跟大佬，無理由唔駛俾錢？咁死梗，一定經常"吹雞"。」
靚女Aunt解釋：「係就係，不過好自由架，任你去唔去。仲有玩有食！」
朋友A受驚：「你係咪俾人呃，定話入左咩邪教，唔係邊有咁大隻蛤蜊隨街跳？究竟咩社團呀！」
靚女Aunt偷笑的答：「咪Carson & Friends囉！
